តើភព(Planet) និងផ្កាយ(Star) ខុសគ្នាដូចម្ដេច?

តើភព(Planet) និងផ្កាយ(Star) ខុសគ្នាដូចម្ដេច?

ខាងក្រោមនេះ ជាអត្ថបទខ្លីមួយដែលនឹងពន្យល់ និងបង្ហាញពីភាពខុសគ្នារវាង ភព និងផ្កាយក្នុងអត្ថន័យបែបវិទ្យាសាស្រ្ត។

·         ជាទូទៅ ផ្កាយមានទំហំធំជាងភពរាប់ដង។ វាត្រូវបានផ្គុំឡើងដោយបណ្ដុំឧស្ម័នHydrogen និង Helium ដែលវាបង្កើតបានជាបន្ទុះនុយក្លេអ៊ែរ។ ម្យ៉ាងវិញទៀត ផ្កាយមានកម្ដៅក្ដៅខ្លាំង។ ផ្កាយខ្លះមានភពវិលជុំវិញ ខណៈដែលផ្កាយខ្លះគ្មានទេ។ ឧទាហរណ៍៖ ព្រះអាទិត្យជាផ្កាយមួយ នៅក្នុង កាឡាក់ស៊ីរាងគូទខ្យង(Galaxy Milky Way) ដែលមានភព៨វិលជុំវិញវា ក្នុងនោះមានភពផែនដីយើងដែរ (ដោយមិនរាប់បញ្ចូលភពផ្លុយតូ (Pluto))។

·         ភពមានសណ្ឋានអាចជាបណ្ដុំនៃឧស្ម័ន រឺថ្ម។ ឧទាហរណ៍៖ ភពផែនដី ជាភពនៃបណ្ដុំថ្ម រីឯJupiter និង Saturn ជាបណ្ដុំនៃឧស្ម័ន។ បើយើងគិតពីទំហំវិញវាមានទំហំតូចជាងផ្កាយរាប់ដង បើយើងធៀបគ្នា។ ម្យ៉ាងវិញទៀតភពគ្មានពន្លឺទេ ហើយពន្លឺដែលមាននៅលើភព គឺជាចំនាំងផ្លាតពីផ្កាយ។ បើគិតពីសីតុណ្ហភាពវិញ ជាទូទៅភពមានសីតុណ្ហភាពទាបខ្លាំង បើធៀបទៅនឹងសីតុណ្ហភាពនៅលើផ្កាយ។

ក្រោយពីការពន្យល់ខាងលើ ខ្ញុំបាទសង្ឃឹមថា វានឹងអាចជាជំនួយ សម្រាប់អ្នកសិក្សា ឬអ្នកដែលមិនទាន់យល់ច្បាស់ពីភាពខុសគ្នារវាង វត្ថុទាំងពីរនេះ។

Galaxy Milky Way (ភពទាំង៩វិលជុំវិញព្រះអាទិត្យ(ផ្កាយ))