Virakpung's blog

ពាក្យ នៅ និងនូវ ខុសគ្នាដូចម្ដេចខ្លះ? យើងឃើញថា នាវេលាសព្វថ្ងៃនេះ ក្នុងមជ្ឍដ្ឋានអ្នកប្រើប្រាស់ និងសរសេរជាភាសាខ្មែរមួយចំនួនធំ មានការភ័ន្ដច្រលំ ឬមិនទាន់យល់ច្បាស់ពីវិធីសាស្រ្ដក្នុងការប្រាស់ពាក្យចំនួន២ ដែលមានដូចជា៖ "នៅ" និង "នូវ"។ ដូច្នេះសូមយើងទៅមើលពីវិធីសាស្រ្តក្នុងការប្រើប្រាស់ដូចតទៅ៖ ·          នៅ   មានន័យថា ឋិត , ស្ថិត , មាន។ ឧទាហរណ៍៖ នៅឯណា ?, នៅផ្ទះ , នៅបន្ទប់។ មានន័យថា ដែលមិនទាន់ , ដែលមានទៀត។ ឧទាហរណ៍៖ អស់ហើយឬនៅ ? នៅទេ។ ·          នូវ   មានន័យថា នឹង , ហើយនឹង , ព្រមទាំង។ ឧទាហរណ៍៖ នូវអស់ប្រជាជនទាំងពួង។ មានន័យថា ពាក្យប្រាប់ដំណើរសម្រេចអំពើដែលគេត្រូវធ្វើ។ ឧទាហរណ៍៖ បុគ្គលធ្វើនូវអំពើល្អដោយកាយវាចា ចិត្ត នឹងបាននូវផលល្អ។ អត្ថន័យ និងការពន្យល់នៃពាក្យទាំង២នេះ ត្រូវបានដកស្រង់ និងកែសម្រួលចេញពី សៀវភៅវចនានុក្រមសម្ដេចព្រះសង្ឃរាជជួន ណាត។

អ្វីទៅជាលំដាប់ពិន្ទុ ? អត្ថបទមួយនេះ ជាអត្ថបទមួយដើម្បីចែករំលែកដល់ប្អូនៗសិស្សានុសិស្ស ក៏ដូចជាមាតាបិតា អាណាព្យាបាល ឲ្យបានយល់ច្បាស់ថា តើអ្វីទៅជា លំដាប់ពិន្ទុ ព្រោះកន្លងមកយើងបានឃើញថាប្អូនៗសិស្សានុសិស្ស ក៏ដូចជាមាតាបិតា អាណាព្យាបាលមួយចំនួនមិនទាន់យល់ច្បាស់ពី លំដាប់ពិន្ទុ នេះនៅឡើយទេ។ ដំបូងយើងត្រូវដឹងរឿងមួយឲ្យបានច្បាស់ជាមុនសិនថា លំដាប់ពិន្ទុ និងមធ្យមភាព គឺជារឿង២ ដែលខុសផ្ទុយស្រលះពីគ្នា។ ម្យ៉ាងទៀតវាជារឿងដែលតែងតែកើតមានឡើងជារៀងរាល់ឆ្នាំ ពោលគឺសិស្សានុសិស្ស និងមាតាបិតាអាណាព្យាបាល តែងតែឆ្ងល់ថា យ៉ាងម៉េចបានឆ្នាំខ្លះលំដាប់ពិន្ទុប៉ុណ្ណេះជាប់ ឆ្នាំខ្លះប៉ុណ្ណោះបានជាប់ ឧទាហរណ៍៖ ឆ្នាំខ្លះអ្នកទទួលបានលំដាប់ពិន្ទុ ៧៥បានជាប់ ឆ្នាំខ្លះអ្នកទទួលបានលំដាប់ពិន្ទុ៤៥បានជាប់។ ·         អ្វីទៅជាមធ្យមភាគ? មធ្យមភាគ គឺជាផលចែកនៃពិន្ទុសរុប ទៅនឹងចំនួនតួដែលវាមាន។ ឧទាហរណ៍៖ មានមុខវិជ្ជាសរុបទាំងអស់៦ មុខ(មិនគិតមុខវិជ្ជាអង់គ្លេស ព្រោះវាជាមុខវិជ្ជាតាមស្ម័គ្រ) ដូច្នេះដើម្បីរកមធ្យមភាគ អ្នកត្រូវយកពិន្ទុសរុបចែកនឹង៦ (ខ្ញុំឧបមាថាមុខវិជ្ជាទាំងអស់មានមេគុណស្មើរគ្នា ដូច្នេះមុខវិជ្ជាមួយ មេគុណមួយ) ...

What is Equinox? Equinox is an astronomical event that the plant of earth's equator passed through the sun. Moreover, during this equinox, the duration between day and night is approximately equal for all over the earth. This event occurs twice a year. Equinox is also the signal to show the change of the season. First, around 21 until 23 of March, and second time around 21 until 23 of September. During this event, if you go to visit Angkor Wat, you will see an amazing sunrise which the sun will be rise in the middle peak of Angkor Wat temple. There are 2 main events for the world, for the sun will be rise on the peak of Pyramid, and when the light shine on the Chichen Itza of Peru, the shadow will show the full body and head of the snake. Explanation for Equinox Equinox over Angkor Wat Temple

តើអ្វីទៅជាសមភាពរាត្រី ? សមភាពរាត្រី គឺជាព្រឹត្តិការណ៍មួយដែល ពេលថ្ងៃ ស្មើនឹងពេលយប់ទូទាំងផែនដី។ ម្យ៉ាងទៀតវាជាសញ្ញានៃការផ្លាស់ប្ដូររដូវផងដែរ។ ព្រឹត្តិការណ៍នេះកើតឡើង២ដងក្នុង១ឆ្នាំ គឺនៅថ្ងៃទី២១ ដល់ថ្ងៃទី២៣ ខែមិនា និង ពីថ្ងៃទី២១ ដល់ថ្ងៃទី២៣ ខែកញ្ញ។ ក្នុងកំឡុងពេលនេះ បើអ្នកទៅទស្សនាប្រាសាទអង្គរវត្ត អ្នកប្រាកដជាអាចនៅថ្ងៃរះដ៏ ស្រស់ស្អាត ដែលរះចំកំពូលកណ្ដាលនៃប្រាសាទអង្គរវត្ត។ លើសពីនេះទៀត ថ្ងៃនេះដែរក៏មានព្រឹត្តិការណ៍សំខាន់ផ្សេងទៀតដែលកើតមាននៅលើពិភពលោកផងដែរ ដោយ ព្រះអាទិត្យនឹងរះចំកណ្ដាលកំពូលប្រាសាទពីរ៉ាមីត និងព្រឹត្តិការណ៍មួយទៀត គឺស្រមោលដែលជះដោយពន្លឺព្រះអាទិត្យ ទៅលើ ប្រាសាទ Chichen Itza នៃប្រទេសម៉ិចស៊ីកូ ស្រមោលនោះនឹងចេញជារូបសត្វពស់មានទាំងក្បាល ទាំងខ្លួន។ ការពន្យល់ពីសមភាពរាត្រី សមភាពរាត្រីនៅប្រាសាទអង្គរវត្ត

សម្បត្តិបេតិកភណ្ឌពិភពលោក នៃព្រះរាជាណាចក្រកម្ពុជា សម្បត្តិបេតិកភណ្ឌរបស់ពិភពលោកត្រូវបានបែងចែកជា២គឺ សម្បត្តិបេតិកភណ្ឌរូបី (World Heritage Site) និងសម្បត្តិបេតិកភណ្ឌវប្បធម៌អរូបី (Intangible Cultural Heritage) ។ សម្បត្តិបេតិកភណ្ឌពិភពលោក គឺជាសម្បត្តិដែលត្រូវបានទទួលស្គាល់ អង្គការ UNESCO ហើយរាល់សម្បត្តិទាំងនោះ មានតម្លៃជាសកល (Outstanding Universal Value) ។ មកទល់ខែកក្កដា ឆ្នាំ២០១៧ នេះ ប្រទេសកម្ពុជាបានបញ្ចូលសម្បត្តិបេតិកភណ្ឌចំនួន ៧ទៅជាសម្បត្តិបេតិកភណ្ឌ ពិភពលោកដោយក្នុងនោះមាន ៣ ត្រូវបានបញ្ចូលទៅក្នុងសម្បត្តិបេតិតកភណ្ឌរូបី និង ៤ ទៀតត្រូវបានបញ្ចូលទៅសម្បត្តិបេតិកភណ្ឌវប្បធម៌អរូបី។ ១. តំបន់អង្គរ (សម្បត្តិបេតិកភណ្ឌរូបី) តំបន់អង្គរ ស្ថិតនៅភាគខាងជើងនៃ ព្រះរាជាណាចក្រកម្ពុជា ក្នុងខេត្តសៀមរាប គឺជាតំបន់ប្រវត្តិសាស្រ្ដមួយដ៏សំខាន់នៅ តំបន់អាស៊ីអាគ្នេយ៍។ តំបន់អង្គរត្រូវបានគ្របដណ្ដប់នៅលើផ្ទៃដី ជាង៤០០គីឡូម៉ែត្រការ៉េ (៤០១០០ហិកតា) ដោយរួមបញ្ចូលទាំងតំបន់ព្រៃឈើ ដែលតំបន់នេះជា អតីតរាជធានីនៃ អាណាចក្រខ្មែរ ពីសតវត្សទី ៩ ដល់សតវត្សទី ១៥។ ដោយសារ ភាពប្រណីតនៃសំណង់, នគរូបនីយកម្មបុរាណមានភាពចម្លែក និងអាងស្ដុកទឹកដ៏ធំ វា...

តើភព( Planet)  និងផ្កាយ( Star)  ខុសគ្នាដូចម្ដេច ? ខាងក្រោមនេះ ជាអត្ថបទខ្លីមួយដែលនឹងពន្យល់ និងបង្ហាញពីភាពខុសគ្នារវាង ភព និងផ្កាយក្នុងអត្ថន័យបែបវិទ្យាសាស្រ្ត។ ·          ជាទូទៅ   ផ្កាយ មានទំហំធំជាងភពរាប់ដង។ វាត្រូវបានផ្គុំឡើងដោយបណ្ដុំឧស្ម័ន Hydrogen  និង  Helium  ដែលវាបង្កើតបានជាបន្ទុះនុយក្លេអ៊ែរ។ ម្យ៉ាងវិញទៀត ផ្កាយមានកម្ដៅក្ដៅខ្លាំង។ ផ្កាយខ្លះមានភពវិលជុំវិញ ខណៈដែលផ្កាយខ្លះគ្មានទេ។ ឧទាហរណ៍៖ ព្រះអាទិត្យជាផ្កាយមួយ នៅក្នុង កាឡាក់ស៊ីរាងគូទខ្យង( Galaxy Milky Way)  ដែលមានភព៨វិលជុំវិញវា ក្នុងនោះមានភពផែនដីយើងដែរ   (ដោយមិនរាប់បញ្ចូលភពផ្លុយតូ   ( Pluto) )។ ·          ភព មានសណ្ឋានអាចជាបណ្ដុំនៃឧស្ម័ន រឺថ្ម។ ឧទាហរណ៍៖ ភពផែនដី ជាភពនៃបណ្ដុំថ្ម រីឯ Jupiter  និង  Saturn  ជាបណ្ដុំនៃឧស្ម័ន។ បើយើងគិតពីទំហំវិញវាមានទំហំតូចជាងផ្កាយរាប់ដង បើយើងធៀបគ្នា។ ម្យ៉ាងវិញទៀតភពគ្មានពន្លឺទេ ហើយពន្លឺដែលមាននៅលើភព គឺជាចំនាំងផ្លាតពីផ្កាយ។ បើគិតពីសីតុណ្ហភាពវិញ ជាទូទៅភពមានសីតុណ្ហភាពទាប...